ඉතිහාසය වෙලාවකට වංගු ගගහ යනව;තව වෙලාවක එක පාර ලොකු ටර්න් එකක් ගන්නවා.
අවුරුදු දෙකකට කිට්ටු ලංකාවේ පාස්කු ප්‍රහාරයත් ඒ වගේ; හරියට ම කීවොත් මේ වෙද්දීී ලංකා දේශපාලනයේ ප්‍රධාන ම ටර්නින් පොයින්ට් එක නැත්නම් හැරවුම් ලක්ෂය වෙන්නේ මේ පාස්කු ප්‍රහාර සිද්ධිය.
එතෙක් දේශපාලනයේ තිබුණ බලතුලනය උඩුයටිකුරු කරන්න, නැත්නම් එහෙම වුණා කියල විශ්වාසයක් ජනිත කරන්න ප්‍රධානතම සාධකය හැදුනේ පාස්කු ප්‍රහාර සිද්ධියෙන්.
එක පාරට ම හිතාගන්න බැරි වෙලාවක, හිතාගන්න බැරි විදියට පාස්කු පූජාවන් මැද පල්ලි වල සහ සමාන්තරව තරු පහේ හෝටල් වල මරාගෙන මැරෙන බෝම්බ පිපිරුම් මාලාවක් වෙනවා. ලෝකය පුරා ම හයිලයිට් වෙන පාස්කු උත්සව දවසේ ලංකාවේ සංචාරක ව්‍යාපාරය මරණීය අත්දැකීමක් වෙන්න පුළුවන් කියන ෂොක්ෆුල් පණිවුඩය සමාජගත වෙන්නේ මෙහෙ ප්‍රධාන ම ආදායම් මාර්ගයේ මුදුන් මුල ට එල්ල කෙරෙන පොරෝ පාරත් එක්ක. කවදත් අනාාරක්ෂිත ව හිටපු මිනිස්සු අතර 'අනාරක්ෂිතබවේ භීතිකාවක්' වෛරසයක් වගේ පැතිර යනවා. පැවතුන ආණ්ඩුවට ඒක කරන්න බෑ; ඊටත් පරණ කට්ටිය ආයි ඕන කියන මතයත් අවධාරණය කරමින් තමයි මේ භීතිකාව සමාජගත කෙරෙන්නේ කියන එක පරිස්සමින් බලද්දී පේන්න ගන්නවා.
දැන් පාස්කු කොමිෂන් වාර්තාවේ කෑලි කෑලි සමාජගත කර ගෙන යද්දී පේන්නෙත් පට්ට සැකසහිත තත්වය අඛණඩව පැවතීමක් වගේ. කිසිම කෙනෙක් මෙන්න මේ වගේ ප්‍රශ්න කවදාවත් ඇහුවේ නෑ. උදේ 8.45ට වගේ මුල් ම බෝම්බය පුපුරල මුල් විනාඩි කීපය තුළ මුණුපොත්වාසීන්ගේ දැනගැනීමට RAW රිපෝට් එකක් සංසරණය වෙන්න ගන්නේ කොහොමද ? මුල් පැය ඇතුලත හිටපු ජනාධිපතිවරයා කොච්චිකඩේ පල්ලියේ ඉස්සරහ රටේ අනාරක්ෂිතබව ගැන සැබෑ වූ පුරෝකථනයක් එක්ක මීඩියා ෂෝ එකක් දාන්නේ කොහොමද ? එදා ම, ඒ වෙද්දී 'කවුරුවත් ම නොවුණ' වර්තමාන ජනාධිපතිවරයා කොළඹ කාදිනල්ගේ නිල කාර්යාලයේ ඉඳල එළියට ඇවිත් 'ආරක්ෂක වගකීම බාරගන්න' සූදානම ප්‍රකාශයට පත් කිරීමේ පසුබිම මොකක්ද ? එදා දවල් දෙහිවල දී සිිිිදුවුණ පුපුරාගැනීමකට කලින් පිපිරුම්කරු මුණගැසුන රාජ්‍ය බුද්ධි අංශ නියෝජිතයා කව්ද?ඇය් ඒ ?
නවසීලන්තයේ කේස් එකකට පලි ගැනීමක් සඳහා ජාත්‍යන්තර ඉස්ලාමීය ත්‍රස්ත සංවිධානයකිිිින් මේ ප්‍රහාරක මෙහෙයුම කළ බව දවස් දෙකකට පස්සේ අදාල සංවිධානය 'ඉල්ලීමක් අනූව' පිළිගත් බව BBCයෙන් වාර්තා වුණා.
කාලාන්තරයක් තිස්සේ ඉස්ලාමීය ආන්තික සංවිධාන ලංකාවේ වැඩ කරමින් හිටි බවට අනාවැකි දැක් වූ බව, ඒ තාලයේ ම බෞද්ධ ආන්තික සංවිධාන කියාපාමින් මතක් කළා. පරිස්සමින් බලපුවාම මේ කියන ඉස්ලාමික ආන්තික සංවිධාන වලට න්‍යායික පෝෂණයක් ලැබෙන්නේ ඒ කියන බෞද්ධ ආන්තික සංවිධානවලිිිින් තමයි. මේ ප්‍රහාරයේ ප්‍රහාරක නායකයා වගේ පෙනී යන සහ්රාන් හෂීම් තමන්ගේ කණ්ඩායම මෝටිව් කරන්න පාවිච්චි කරල තියෙන්නේ බොදු බල සේනා ලොක්කා ඤානසාර හාමුදුරුවන් ගේ දර්ගා ප්‍රකාශය ප්‍රමුක ප්‍රකාශ හා ක්‍රියාකාරකම්. ඉස්ලාමය දේශපාලනික අවියක් හැටියට පාවිච්චි වීමේ සංවිධානමය මුල උතුරු නැගෙනහිර යුද කාලය දක්වාවත් පැරණි එකක්. විශේෂයෙන් ම ඒ කාලයේ පටන් තමිල් සංවිධිනවලට මුහුණ දෙන්න පැරා මිලිටරි කල්ලි හැටියට මෙවැනි අය මෝටිව් කරල පුහුණු කිරීම්, සන්නද්ධ කිරීම් නැගෙනහිර පළාතේ කාලයක් තිස්සේ කර ගෙන ගිහින් තියෙනවා.
මේ විදියට කාලයක් එක ව්‍යාපෘතියකට හදපු සංවිධාන, වෙනස් ව්‍යාපෘතියකට පාව්ච්චි කරගන්න බැරි වුණා ම, ඒවා සුද්ද-බුද්ද කරල දාන්න වෙන ම ව්‍යාපෘතියක් හදන එක ලෝකේ කොහෙත් කෙරෙන පාලක සම්ප්‍රදායක්.
අවුරුදු දෙකක් වෙන්නත් ආවා. පාස්කු ප්‍රහාර සිද්ධිය ගැන පත්කරපු ජනාධිපති පරීක්ෂණ කොමිසමෙත් හුලං ගියා වගේ වැඩක් දැන් පේන්න තියෙන්නේ. නාට්‍යය ඉවර කරන්න හිතා ගෙන මුළින් ගහපු ප්ලෑනක් තියේනම්, මේ හුලං බැහිල්ලත් එක්ක දැන් ආයේ පොඩි එඩිට් එකක් දාලා ඉස්සරහට යන්න වෙන පාටයි.
කළු ඉරිදාව ප්‍රකාශයට පත්වෙන්නේ පිලාත් කෙනෙක්ගගෙන් වෙන්න පුළුවන්. ඒත් ඒ මට්ටමිි්න අත හෝද ගෙන අයින් වෙන්න පුළුවන් තැනකට වඩා දැන් මේ ව්‍යාපෘතිය ලොකු වෙලා වගේ.
කළු පාට, කිතුනුවන්ගේ සම්ප්‍රදායික සංකේතය හැටියට ශෝකය, විරෝධය හා පිළිකුල ප්‍රකාශ කරනවා. මේ වෙලාවේ ඒ හැඟීම්-දැනීම් ප්‍රකාශනයන් ට එඩ්‍රස් හැදෙන විදිය මේ වෙලාවේ දේශපාලනය ගැන තියුණු සහ රසවත් අධ්‍යයනයක් වේවි.
No comments:
Post a Comment